 | | |
| | |
|
Spaces home  柴の部落PhotosProfileFriendsMore |  Tools   |
柴の部落 |
||||||||||||||||||||||||||||||||||
謝謝您的瀏覽！ |
August 27 栗米茸今日整左栗米茸，加落米糊度，好方便： 先用＂去皮刀＂批去栗米頂，再用把刀尖筆甩o個度挑Ｄ栗米肉出黎
加水blend幾下
隔水蒸１５分鐘 （第１次整，落多左水添）
ＧＯＯＤ：好快趣，又唔會俾ＢＢ食到栗米底Ｄ硬肉 ＢＡＤ：去頂時會造成浪費，一條栗米整埋都得好少 出牙不安 晚晚囉囉攣 (2)昨晚承熙好瞓嗎？ 答案係NO. 咪就係囉，panadol 幾時都只係止痛退燒o既，邊會止牙癢同囉囉攣o架。。。咁今晚仲俾唔俾承熙食呢？！
August 26 出牙不安 晚晚囉囉攣 (1)終於忍唔住，聽醫生建議，俾o左2.5ml Panadol承熙食，希望佢今晚有覺好訓。成效係點要過埋今晚先知，下回分解，家o下淨係知道隻臭Ｂ食panadol就lam lam 脷，俾幾滴水就bu晒出o黎，仲有，本來佢都有Ｄ眼訓豬，點知食o左藥後，就進入o左極度興奮狀態，如果咁樣去參加奧運，實俾人dick去做藥檢！ 都話奶粉商信唔過o架啦生o左承熙後，一日瘦過一日，梗要飲番Ｄ媽媽奶粉補充一下，所以差不多每日一杯惠氏媽媽奶粉，作為全人奶媽，要做好呢份工，食o野前定必睇下Ｄ成份，不過呢隻奶粉寫明＂for 哺乳媽媽＂，咁我咪亳無懷疑咁飲左咁多個月囉。點知尋晚有網友留言，提醒大家唔好亂飲媽媽奶粉，我先留意到自己日日飲o既惠氏媽媽奶粉，o係含有麥芽糊精o架！真o係估佢唔到，靠害咩！好彩一向都做到收支平衡，咁就飲埋屋企呢罐就唔再買喇！ 出牙 vs Good Eater終於到承熙出牙啦！ 不是下顎的正門齒，而是上顎的左正門齒！已經隱約見到、摸到牙仔，還差一點點便冒出來。一向是good eater的承熙，以往食一餐糊仔只花１５分鐘，近日總是囉囉亂，第一啖糊仔便大喊，喊聲得震到我眼濕濕，要俾玩具，要抱，才安靜下來，再試餵時，糊仔已放涼，是否＂牛＂牙關係，總不喜歡吃暖的？
Today's Menu ～ 淮山米糊 ＋ 半隻蛋黃 August 21 一場遊戲，十條問自己o既問題Bonnie 媽, 既然你用到"義氣"呢D咁嚴重o既字眼，又咁比面選中我，我就參與一份啦～ 遊戲規則如下： 被點中名的朋友請像我一樣回答所有問題，並發一篇BLOG在自己的網誌上！回答之前，請刪除一條你不喜歡的問題，另出一條問題代替。完成後，再點另外10個人繼續遊戲，並到這10個人的BLOG留言通知對方。被點名者不得拒絕回答問題，不完成遊戲的人，會是一個無義氣的人！ 1）你自己的最大缺點？ 好心急，容易對最親o既人發忟憎 2）你最鍾意什麼活動/運動？ 上網，油指甲，同老公食下午茶，同朋友茶聚，睇唔同類型o既書 (自從承熙出世，已好耐冇睇書，甲甲都只畫了一次花花) 3）到目前為止，有咩令你最難忘？ 可能係胎動o既感覺 4）你最想去旅行的地方是哪裡？ 未踏足呢過o既都想去 5）現在最想做乜野? 去俾人打一身 (Body Massage) 6）你最愛既人係邊個呢？ 唔駛問啦！ 梗係我屋企o個２個啦！ 7）想個仔/女大左之後做咩工作? 做佢地自己鐘意做o既野，唔好游手好閒。（希望２０年後o既我，仲會咁諗，唔會迫個仔做Ｄ佢唔鐘意o既工作） 8）如果你走到人生的盡頭了，那在你人生最後的一段歲月，你會做什麼？ 環遊世界，畫下畫，唔可以＂牛＂o係醫院度 9）人生中，最快樂嘅一件事? 同最愛o既人飲杯茶，講東講西，傾下偈 10) 如果依家要你同老公講出你嘅心底話, 你會同佢講咩呢? 老公，知你番工好攰，又要橕起成頭家，返到屋企又見我面黑，應承你，少Ｄ發忟憎，同執得間屋整齊Ｄ ～～ ＥＮＤ ～～ 因為我要點10個人出黎，唔好意思，我估冇乜人睇我個ＢＬＯＧ，不如各位ＢＬＯＧ友，見到呢個ＰＯＳＴ就係夜蘭人靜時，諗下呢Ｄ問題，了解自己多Ｄ！ August 11 猛長期 ... 會過去的承熙經過左4星期的猛長期，最近幾晚終於回復正常，唔駛食夜奶啦，真是可喜可賀，幸好我堅持沒有引入奶咀，沒有給承熙餵panadol（醫生suggest的，話出牙會痛和醒訓），奶媽們，真的要相信自己從書本上學到有關母乳餵哺的知識，猛長期是會過去的，放心！ August 10 呯一聲 ~ 媽一聲好日我都唔會話入房休息一陣，今晚真是攰得要命，抖一下，老公幫忙照顧承熙，就出樹喇！ 入房休息不到５分鐘，還未入睡之際，突然聲到呯一聲，心知不妙，即彈起身出廳，原來倆父子坐在地蓆上玩，承熙突然向後一昂，呯一聲，後尾枕着地，隨即嘩嘩大喊，平日的我必定將老公鬧爆，但見他一副驚驚青青又內疚樣，我只心平氣和說句＂冇樹o既，下次要小心Ｄ，承熙未坐得穩＂。
說回承熙，媽媽抱著，喊～喊～喊～，嘩嘩聲中，喊了一聲媽，係＂媽＂呀，第一次喊＂媽＂呀！ （最後喊了幾分鐘便收聲，應該冇樹啦！） August 09 不可低估嬰兒的學習能力August 08 2008年8月8日 ~ ＢＢ展2008年8月8日，是北京奧運開幕日，亦是一年一度ＢＢ展。相約0801媽咪Janis同行，還有全程走失的0801媽咪Bonnie, WaiWai同JoyJoy。看見展覽館內粗身大細的準媽咪，便想起去年的自己，像是不久之前的事，真是時間飛逝！ 說回今趟ＢＢ展的收獲，若不是只有兩隻手，真是會買多Ｄ、買多Ｄ、買多Ｄ！
Playskool 搖搖鹿 ＄２００ Fisher-Price 扭蛋機 ＄１７０ ＢＢ車頂公仔軚盤 ＄１３３
思詩樂濕棉 ＄２０盒 雪印媽媽奶粉 ＄１３０ ４盒 August 06 轉體540度Bonnie媽講得啱，ＢＢ總會o係大人唔為意／走開時，做出一Ｄ平時做唔到o既野，為了一副放在老遠o既玩具，平時只懂轉身１８０度o既承熙，居然做出＂側身轉體５４０度＂，即係反身一周半呀，碌到玩具旁邊，仔呀！簡單Ｄ爬過去咪得囉。。。對不起，忘記你未識爬添！
昨天，Bonnie媽o既小Ｂ，細佬，入o左院呀，希望細佬快Ｄ好番啦！
～～ ８號風球現正懸掛 ～～ August 05 Today's Menu ~ 筋皮力盡August 01 Today's Menu ~ 怒火中燒新嘗試 ~ 香蕉牛油果米糊仔 ~ 好味 ~ 好味 到手舞足蹈
手舞足蹈到潑瀉1/3碗，一手一身一椅到係
承熙，你知道嗎？媽媽要擠到手痛先有奶奶開米糊，lunch都忘記了吃
還有，有機牛油果要＄２５一個，有機香蕉幾蚊隻，唔好o徒o野啦！
慘呀! 富媽媽中伏平日要每天儲百多ml母乳開米糊話咁易，今早開工，手又痛到CC下，死擠爛擠都只有４０ml，立即想起網友Ｒ那句＂一滴人奶三滴血＂，翻看昨日飲了一包乜鬼麥皮，原來有麥芽糊精成份。。。怪不得承熙半夜又喊食奶 （其實已持續了十多天）！ ＢＢ晚晚嘈，老公，你都係訓書房啦！ July 29 給懷孕的朋友們 ~ 我可以做富媽媽，你們都可以有用資料 (由蘋果日報轉載) 哺 嬰 秘 訣 ： 母 乳 越 吮 越 多 世界本來不公平，不想當「窮媽媽」補奶粉，乳鴿、豆豉 (should be 藥材淡豆豉, not食材豆豉)、豬肝等「回奶」靈藥當然是大忌；有婦產科醫生提醒，哺乳媽媽除了要注意營養外，也應盡量「埋身餵」，讓嬰兒多吸吮乳頭，刺激腦下垂體分泌乳汁，效果遠勝奶泵，若孩子愛睡懶吸吮，甚至可以請丈夫代勞。不少母親都想母乳育嬰，卻為夠不夠思量一番。婦產科醫生靳嘉仁指，大部份母親都有足夠母乳(要對自己有信心)，真正乳汁不足的少於2%，餵母乳者，應有足夠的營養，多吃瘦肉、動物內臟、魚、蛋、牛奶、豆類等含高蛋白質的食物，口渴便飲水，並有充足的休息，保持心情愉快，營養不良的母親，乳汁的分泌量和成份也會受影響。除了營養外，吸吮的動作是關鍵，靳嘉仁建議，如果生產順利，母子健康良好，嬰兒出生後應盡快吸吮母親的乳頭，刺激乳汁分泌。他解釋，若初期乳汁不足，也不要急於以奶粉補充 (首兩天, 我只以糖水作補充)，否則會造成惡性循環，吸吮乳頭的次數減少，乳汁的分泌亦會隨之減少，必要時可請丈夫幫助吸吮。「吸吮同用奶泵唔同，泵可以清乳腺內乳汁，等佢唔會谷住，唔會脹痛，就可以產生新乳汁，但只有吸吮動作可以刺激腦下垂體，產生催乳激素，分泌乳汁。」註冊中醫關之義指，餵母乳的媽媽應戒吃乳鴿、豆豉、豬肝等，以免回奶，「最明顯係食豬肝，試過有媽咪食完第二日即刻冇奶，乳房變得扁平，ＢＢ吮得好辛苦，吮得太耐，惟有食奶粉頂住先。」提醒女士，飲用化滯的湯水要小心，因為這類湯水多含穀芽、麥芽，同樣會回奶，魚生、汽水、雪糕等寒冷物乃屬女人大忌，餵奶期間一樣要戒，「中醫認為，奶水由血氣所化，遇熱則行，遇冷則凝，食生冷會令奶水停滯。」同時，乳房屬胃經，故此損脾胃的食物，均會令乳汁分泌減少。若要由「窮媽媽」變「富媽媽」，他建議多喝花生煲豬腳、木瓜煲魚尾、北當歸煲豬手等湯水。 乳 汁 妙 用 當 BB 潤 膚 乳 窮媽媽擔心寶寶吃不飽，富媽媽卻擔心谷奶過度有乳腺炎；若乳汁太多寶寶「食滯」，媽媽可以先把乳汁泵出儲存，適當時候再讓孩子飲用。此外，由於乳汁有滋潤皮膚、防止爆坼的效用，若母親的乳頭因哺乳受損，只要塗上乳汁，數小時後即會痊癒，用乳汁來替寶寶敷面洗澡，則可以保持嬰兒皮膚健康 (用乳汁來替BB洗澡真的很好, 但十分奢侈, 我只給BB沖了十多次母乳spa)。 可 泵 出 儲 存 冰 箱 註冊中醫關之義指，若母親乳汁太多，嬰兒吃不下，應泵出儲存，「如果唔係谷住谷住會好辛苦，嚴重會導致乳腺炎。」婦產科專科醫生靳嘉仁指，母乳可以抗菌，在室溫下可以保存8至12小時(香港天氣熱, 我最多放4小時)，在雪櫃可以保存至少8至11天(不多於36小時)，在冰箱更可貯存數月時(最多2月)。靳嘉仁提醒媽媽，平時要嚐試新鮮母乳的味道，每次準備使用貯存奶時，要先試味，了解有沒有變壞；冷凍過的母乳只要在室溫下解凍，若寶寶吃不慣稍冷的奶，可以將容器放在溫水中加熱，切勿用微波爐，若奶水有分層不均，只要搖勻即可。靳嘉仁又指，多餘的母乳可以給嬰兒洗澡用，在澡盆中加入一小瓶即可，對皮膚燥有幫助，但不能治療奶癬；母親乳頭受損，亦可用乳汁治療，若發炎，就應該求醫。 證件相承熙首張證件相，樣子很大個，像極一歲ＢＢ，面珠圓圓的。
很後悔只曬了一打，爹爹嫲嫲公公婆婆爸爸媽媽一人一張，最後所剩無幾！ July 28 褲仔 VS 片片今日承熙試穿了一條Pampers Easy Up，好啱身喎！ 過往總嫌Pampers片片腰位沒有彈力，貼來貼去都像差點差點的，便轉用Huggies，但試過Pampers Easy Up又覺得不錯，彈性夠，又貼身，但不知道褲仔是否比片片貴得多呢。
|
|
||||||||||||||||||||||||||||||||
|
|
老公
